ტურები / 06 - სამეგრელო, ეგრისის ქედი
5 დღე „ვერცხლის ტბამდე“ და უკან
- ხანგრძლივობა
- 5 დღე
- ტბის სიმაღლე
- დაახლ. 2650 მ
- სირთულე
- რთული
- სეზონი
- ივლისი – სექტემბერი
- ტიპი
- ლაშქრობა სრული კემპინგით
ტობავარჩხილი მეგრულად „ვერცხლის ტბას“ ნიშნავს. ის ეგრისის ქედზე მდებარეობს, გზებისგან შორს, და იქ მოხვედრა მხოლოდ ფეხით, რამდენიმე დღეშია შესაძლებელი.
ეს ჩვენი ყველაზე ველური მარშრუტია: სოფლები არ გვხვდება, ყველა ღამეს კარვებში ვათევთ, ბილიკი კი გადის თოვლის ლაქებს, ქვიან უღელტეხილებსა და ჩანჩქერებს.
მუხური - მწყემსების ბინები - უღელტეხილი - ტობავარჩხილი - ტბები და ჩანჩქერები - დაშვება
პროგრამა ზუსტდება - დეტალებისთვის მოგვწერეთ
მარშრუტი დღეების მიხედვით
დღე 01 მუხური – ასვლა ალპურ ზონაში
სამეგრელოს ბარიდან მაღალი გამავლობის მანქანით ავდივართ ტყის ზედა საზღვრამდე, შემდეგ ფეხით მწყემსების ბინებამდე, სადაც პირველ ბანაკს ვშლით.
ღამისთევა: კემპინგი
დღე 02 უღელტეხილი – ტობავარჩხილი
აღმართი თოვლის ლაქებითა და ლოდებით დაფარულ უღელტეხილზე და დაშვება ტბასთან, კლდოვანი მწვერვალების ძირში.
ღამისთევა: კემპინგი ტბასთან
დღე 03 დღე ტბასთან
დასვენების და მსუბუქი გასვლების დღე: მეზობელი ტბები, ხედები ქედიდან, მზის ჩასვლა წითლად შეფერილ მწვერვალებზე.
ღამისთევა: კემპინგი ტბასთან
დღე 04 ტბები და ჩანჩქერები
ვიწყებთ დაშვებას სხვა ხეობით: ალპური ტბები, მდინარის სათავეები და მაღალი ჩანჩქერები.
ღამისთევა: კემპინგი
დღე 05 დაშვება ხეობაში
ბოლო დაშვება ტყის გავლით გზამდე, საიდანაც მანქანა გვხვდება.
უსაფრთხოება
მარშრუტი ფიზიკურად მომთხოვნია: მძიმე ზურგჩანთა, გრძელი აღმართები და ცვალებადი ამინდი. საჭიროა მრავალდღიანი ლაშქრობის გამოცდილება.
აუცილებელი აღჭურვილობა
- სალაშქრო ფეხსაცმელი
- 35–50 ლიტრიანი ზურგჩანთა
- საძილე ტომარა
- თბილი და წყალგაუმტარი ტანსაცმელი
- საწვიმარი
- სალაშქრო ჯოხები
- თავსანათი
- წყლის ჭურჭელი
- პირადი ჰიგიენის ნივთები
- პირველადი დახმარების ნაკრები
- კარავი და ხალიჩა
- საკვები მარაგი ხუთი დღისთვის
